Rotha Hua Ishq Novel By Ameer Hamza Episode 13
Rotha Hua Ishq Novel By Ameer Hamza Episode 13
تمہاری بہن آئی ہے ضرور تم سے ملنے آئی ہوگی۔۔۔۔میں فریش ہونے جارہا ہوں"۔۔۔۔۔وہ کہہ کر باتھ روم میں چلا گیا۔۔۔۔۔اور کیرت پہ گھڑوں پانی آ گرا۔۔۔۔۔آنسوؤں کا غول اسکے گلے میں اٹک گیا تھا۔۔۔۔۔علیزہ دل ہی دل میں تمسخر سے ہنسی۔۔۔۔۔پھر کیرت کے پاس آئی۔۔۔۔۔
"بیٹھ جائیں"۔۔۔۔وہ بیٹھ گئی۔۔۔۔۔بالکل خاموشی سے۔۔۔۔۔علیزہ بھی اسکے قریب بیٹھ گئی۔۔۔۔دونوں نے ایک دوسرے سے کوئی بات نہ کی۔۔۔۔۔کیرت کا بولنے کا دل نہیں تھا خاص کر علیزہ سے۔۔۔۔۔اور علیزہ کا کچھ سننے کا موڈ نہیں تھا خاص کر کیرت کے منہ سے۔۔۔۔۔۔اس لیے وہ دونوں ہی گونگی بنی بیٹھی رہیں۔۔۔۔۔
دس منٹ بعد وہ جب نہا کر نکلا تو سرخ شرٹ اور جینز کی پینٹ میں ملبوس تھا گیلے بال ماتھے پہ بکھرے تھے۔۔۔۔۔وہ شیشے کے سامنے کھڑا ہوگیا۔۔۔۔۔
"تم نے کچھ کھانے کے لیے پوچھا اپنی بہن سے۔؟" اس کے اچانک سے سوال پہ علیزہ گڑبڑا گئی۔۔۔۔
"نہ۔۔۔نہیں۔۔۔۔ہاں۔۔۔۔نہ۔۔۔" اسے سمجھ نہ آئی کہ وہ کیا کہے۔۔۔۔انکار کرے گی تو کہیں ضامن کو غصہ نہ آجائے اور اقرار پہ کیرت نے سچ بول دیا تو۔؟ وہ شش و پنج میں مبتلا ہوگئی تھی۔۔۔۔۔اتنے میں ضامن پرفیوم کو خود پہ چھڑک کر کیرت کے سامنے آکھڑا ہوا۔۔۔۔
"بتاؤ چائے پیؤ گی یا کافی۔؟" کیرت کھڑی ہوگئی۔۔۔۔
"میں ملنے آئی تھی آپ۔۔۔" اسکی باقی کی بات اسکے منہ میں ہی رہ گئی۔۔۔۔۔
"اپنی بہن سے نا۔؟ مل لیں ہوں گی اب تک تو یہ بتاؤ چائے پیؤ گی۔؟" وہ سپاٹ لہجے سے پوچھ رہا تھا۔۔۔۔۔اسکے تغافل سے اٹے لہجے نے کیرت کی آنکھیں بھگو دی تھیں۔۔۔۔۔وہ بس نہ میں گردن ہلا سی۔۔۔۔۔
"تو پھر جاؤ، یا ابھی اور بیٹھو گی اپنی بہن کے پاس۔؟" آنکھوں سے آنسو ٹوٹ کر اسکے گال پہ پھسل گیا۔۔۔۔۔یہ آنسو اسی آنکھ کا تھا جس آنکھ کا آنسو کبھی ضامن نے اپنے ہونٹوں پہ سنبھلا تھا۔۔۔۔۔۔
"جاری ہوں"۔۔۔۔کیرت نے رندھی ہوئی آواز سے کہا۔۔۔۔۔
"خدا حافظ"۔۔۔۔۔وہ کہہ کر دوبارہ شیشے کے سامنے کھڑا ہوگیا۔۔۔۔علیزہ بڑی دلچسپی سے سب کچھ دیکھ رہی تھی۔۔۔۔دل اندر ڈانس کررہا تھا۔۔۔۔کیرت جانے کے لیے پلٹ گئی۔۔۔۔اندر کچھ جلنے لگا تھا اسکا دل کیا وہ اس جلن سے دنیا کو آگ لگا دے وہ جاتے جاتے کمرے کی میز پہ رکھا گلدان ایک ہاتھ مار کر گرا گئی تھی۔۔۔۔
